ŞİRNEX - Ji bo bîranîna pakrewanên azadiyê ku li Cizîrê di pêşengiya MEBYA DER'ê de hat lidarxistin ciwan bi meşê tevli bîranînê bûn.

 

Li navçeya Cizîrê ya Şirnexê, merasîma sersaxiyê ya ji bo kesên ku di dem û li cihên cuda  di têkoşîna azadiyê de jiyana xwe ji dest dane, bi tevlibûna berdewam berdewam di roja xwe ya duyemîn de didome. Çalakî li pêşiya avahiya navçeyê ya Partiya Wekhevî û Demokrasiyê ya Gelan (DEM Partî) hate lidarxistin. Li cihê çalakiya k di b pêşengiya Komeleya Piştevanî, Hevgirtin, Yekîtî û Çandê ya bi Malbatên ku di li Dergûşa Şaristaniyê d Xizmên xwe Winda Kirine (MEBYA DER)  de hatibû organîzekirin, wêneyên kesên jiyana xwe ji dest dane û yên Rêberê Gelê Kurd Abdullah Ocalan hatin danîn.

 

 

Her wiha, pankartên ku dirûşmên "Şehîdên me rûmeta me ne", "Şehîd ronahiya rêya me ne" û "Em şehîdên azadiyê bi bîr tînin" li ser wan nivîsandî bûn, li cihê çalakiyê hatin daliqandin. Di dirêjahiya rojê de, gelek kes bi kulîlkan hatin û wêneyên kesên jiyana xwe ji dest dane bi wan kulîlkan xemilandin.

 

Meşa ciwanan

 

Dema ku bîranîn didomiyê, Hevserokên Partiya Herêmên Demokratîk (DBP) jî serdanek pêk anîn. Beriya vê, komek ciwan ber bi cihê çalakiyê ve meşiyan. Di dema meşê de dirûşmên  "Şehîd namirin", "Bijî Serok Apo" û "Bi can û xwîna xwe em bi te re ne, ey ??Serok" qîriyan. Malbatên kesên jiyana xwe ji dest dane û welatiyên din ên ku serdana cihê bîranînê dikirin, ciwan bi çepik, dirûşm û tilîliyan pêşwazî kirin.