AMED - Di merasîma bîranîna endama YJA-Starê Rojbîn Sonmez de, rêvebera MEBYA-DER'ê Menice Yeni axivî û got: "Xwezî me îro ne ji bo bîranînê, lê ji bo pîrozbahiyan destên xwe bidana hev. Em li ku derê dinêrin, em rastî deng û navên şehîdan tên; bi saya wan canên hêja ye ku em îro hişyar bûne û bûne xwedî hişmendî. Ji bo xatirê wan, em ê bi Rêberê Gelê Kurd re destên xwe bidin hev û vê pêvajoyê bigihînin encameke serkeftî."

 

Li navçeya Rezan  a Amedê, ji bo endama YJA-Starê Rojbîn Sonmez (Dilzar Rêber Andok)  ku di 31'ê Cotmeha 2025'an de li Qendîlê, di nava têkoşîna azadiya Kurd de jiyana xwe ji dest dabû, merasîmeke bîranînê hat lidarxistin. Ev merasîm ji aliyê malbata wê û Komeleya Alîkarî, Piştevanî û Çandê ya bi Malbatên ku li Dergûşa Şaristaniyê xizmên xwe winda kirine (MEBYA-DER) ve hat organîzekirin. Gelek kes beşdarî vê çalakiyê bûn ku di salvegera koça wê de pêk hat. Di tevahiya çalakiyê  de, dirûşma "Şehîd namirin" gelek caran hat berzkirin û pankartek bi nivîsa "Her mîlîtan dibe dîrokek" hat daliqandin.

 

"Em li ku derê dinêrin, em rastî deng û navên şehîdan tên"

 

Piştî xwendina mewlûdê û duayan, rêvebera MEBYA-DER'ê Menice Yeni axivî û got: "Xwezî me îro ne ji bo bîranînê, lê ji bo pîrozbahiyan destên xwe bidana hev. Em li ku derê dinêrin, em rastî deng û navên şehîdan tên; bi saya wan canên hêja ye ku em îro hişyar bûne û gihîştine hişmendiyê. Ji bo xatirê wan, em ê bi Rêberê Gelê Kurd re destên xwe bidin hev û vê pêvajoyê bigihînin encameke serkeftî." 

 

'Şehîd rûmeta me ya herî mezin in'

 

Birayê Rojbîn Sönmez Murat Sonmez jî, diyar kir ku ew ê bi biryardarî têkoşînê bidomînin heta ku ew paşeroja bi rûmet û azad a ku şehîdên têkoşîna azadiyê dixwestin pêk bînin, ava bikin. Murat Sönmez got: "Ji bo me rûmeta herî mezin e ku em layiqî mîrateya şehîdên xwe û berdêla ku wan daye bin. Em bi şehadeta wan serbilind in, li ber bîranîna wan bi rêzdarî serî ditewînin, valahiya ku li pey xwe hiştine bi hesret tînin bîra xwe û nirxên ku wan afirandine bi minetdariyeke herheyî diparêzin."

 

Piştî axaftinên bîranînê, çalakî bi nîşandana vîdyoyeke ku dîmenên Rojbin Sönmez dihewand, bi dawî bû.