ENQERE - Hevdîtina di navbera Hevserokên Giştî yên DEM Partiyê Tulay Hatîmogûllari û Tuncer Bakirhan û Serokê Giştî yê CHP’ê Ozgur Ozel de bi dawî bû. Hevdîtin, saetek û 20 deqeyan domiya. 

 

Hevserokên Giştî yên Partiya Wekhevî û Demokrasiyê ya Gelan (DEM Partî) Tulay Hatîmogûllari û Tuncer Bakirhan li Navenda Giştî ya Partiya Gel a Komarê (CHP) bi Serokê Giştî yê CHP’ê Ozgur Ozel re hevdîtin kir. Serokwekîlên Koma DEM Partiyê Gulistan Kiliç Koçyîgît û Sezaî Temellî jî tev li şandeyê bûn.

 

Hevdîtin ji çapemeniyê re girtî hat lidarxistin û saetek û 20 deqeyan domiya. Şandeya DEM Partiyê piştre jî çû serdana Partiya Yenîden Refahê (YRP).