Elfazi Toral

 

STENBOL - Welatijanê ke kuçeyê Stenbolî de yê, derheqê prosesê "Aştî û Cimatê Demokratîkî" de qisey kerdî û dîyar kerdî ke vurîyayîşê hişmendîya komelî bi hemwelatîbîyayîşê têduştî û edaletî mumkin o û wina vatî: "Lazim o ke heqê her kesî bêrê naskerdiş. Çareserî bi gamanê somutî mumkin a."

 

Stenbol de welatijan derheqê prosesê "Aştî û Cimatê Demokratîkî" de qisey kerdî û dîyar kerdî ke lazim o ke hukmê vernî bişikîyê û heta hişmendî nêvurîyo, gamê huqûqî û sîyasî derûdorêk aramîye pê nêanê.

 

Çareserî ciwanan dir a

 

Welatijan eşkera kerdî ke bi aktoranê sîyasî yê bîyaye caardişê aştîya komelî zehmet a û çareserîye ciwanan dir vînenê. Welatijan derheqê azadîya fikrî, nêcaardişê mekanîzmayê edaletî de sazîyanê dewlete rexne kerdî û vatî gamî û vatişê aştîye vurîyayîşêk manadar zêde kenê, sey meşgulkerdişêk îfade kerdî.

 

'Lazim o ke her kes bi hawayêk têduştî bikewo binê asayîşî'

 

Welatijan dîyar kerd ke konseptê demokrasî û aştîye lazim o ke heqanê somutî ser o şekil bigîrê û bi taybetî zî hemwelatîbîyayîşê têduştî ard vernî. Welatijan dîyar kerdî ke lazim o ke bê bêtêduştîya cinsîyetî, dîn, nijadî bêro kerdiş û lazim o ke her kes bi hawayêk têduştî bikewo binê asayîşî û pêwa nê ekonomî û hêzê girewtişî zî sey beşêk aramîya komelî ercnayî.

 

Pabebîyayîşê esasî: Bawerî

 

Qiseykerdişan de ame waştiş ke lazim o ke hêsirê dayîkan vinderê, têkilîyanê cîrantîye ancî  zergûn bibê û bêtêduştî çinbo. Sewbîna pabebîyayîşê tewr pîlî zî ameyoxêk bi asayîş bi. Pêwa nê seba prosesê "Aştî û Cimatê Demokratîkî" zî waştişanê xo ardî ziwan û vatî do piştîdayîşê her gamê ke semedê aştîye bêrê eştiş bidê.