Derya Ren

 

RIHA - Verfeka Komîsyonê Têkilîyê Teberî ya Lubnanî ya Kongra Starî Henan Osman dîyar kerd ke averşîyayîşê Îsraîlî yê Sûrîye û mudaxeleyê înan ê Lubnanî, Rojhelatê Mîyanên de rewşanê cîya xo dir ano û va: “Ganî hetî programêko hîra yê asayîşî, sîyasî, reform û edaletî ser o yew bibê.”

 

Şerê Rojhelatê Mîyanên giran benê, operasyonanê leşkerî yê Îsraîlî dir tena denge, munaqeşe nê derheqê pêrojeyî de zî xo dir ano. Têgêrayîşê Lubnan, Sûrîye û Filistînî; dewletan qels keno û alternatîfê îdarekerdişî û modelê îdarekerdişê herêmî de hîna zêde dano mojnayîş.

 

Verfeka Komîsyonê Têkilîyê Teberî ya Lubnanî ya Kongra Star Henan Osman derheqê averşîyayîşê Îsraîlî yê Sûrîye, mudaxeleyê Lubnanî û senaryoyanê ke Rojhelatê Mîyanên de benê ercnayîş kerd.

 

Armancê Îsraîlî

 

Henan Osman da zanayîş ke peynîardişê operasyonanê leşkerî yê Îsraîlî sey başîyêko stratejîk ganî bêro ercnayîş û va: “Tel Avîv hetkarîyêk hîra DYA’yî ra girewt. Semedê domnayîşê şeranê girdan bi asanî resayî çimeyan. Nê şerî bêhesabperkerdişêk domyayî. Na rewşe îmkan da Îsraîlî ke şerê xo bidomno. Nê hetî de ablûqakerdişê Koyê Şêx û panc nuqteyanê başûrê Lubnanî û pêwa rayîrê mabêne Sûrîye û Lubnanî şuxulneno. Bi xêrê nê Îsraîl rayîrê têkilîdar û taqîbê têgêrayîşê bînan kontrol keno.”

 

‘Do rayîrî tesîr bibê’

 

Henan Osman dîyar kerd ke hewl yeno dayîş ke Lubnan mabêne di hêzan de bimano û nê zî beno sebebê zêdebîyayîşê şerî. Henan Osman wina dergî da: “Serkewtişê sîyasî yan girewtişê îstîqrarî hema zehmet o. Demo ke ma nê vînenê yeno dîyayene ke operasyonê Îsraîlî do hîra bibê. Rayîrê mabêne Lubnan, Sûrîye û Filistînî de do bi hawayêko gird tesîr bigîro.”

 

‘Polîtîkaya Tel Avîvî ya Tirkîya’

 

Henan Osman wina dewam kerd: “Armancê Îsraîlî tena Îranî Sûrîye ra veco nîyo û hêzê Hîzbullahî qij bikero yo. Eynî demî de wazeno vernîya Tirkîya ya ke piştdayîşê komê terorîstî yê cîhadîstan dano bigîro ke cayê Îranî nêgîro. Tel Avîv hewl dano rewşêka stratejîk û asayîşêk newe ke piştdayîşê cigêrayîşê hêz û kontrolî dano awan bikero.”

 

Çîyo ke cinî şer de ancenê

 

Henan Osman derheqê awankerdişê derûdorêk îstîqrar û asayîşîn Sûrîye û Lubnanî ser o nê çî vatî: “Ganî hetî programêko hîra yê asayîşî, sîyasî, reform û edaletî ser o yew bibê. Projeyê Îdarekarîya Xoserî ya Vakur û Rojhelatê Sûrîye mîsalêko gane yo ke ganî pêro herêmî bêrê vurnayîş. Nê semedî ra proje do herême biresno îstîqrar û asayîşî.”