MERKEZÊ XEBERAN – Fîlozofa femînîste Elizabeth Anderson piştîdayîşê prosesê Aştî û Cimatê Demokratîkî kerd û va: “Her game semedê averşîyayîşî do nîşanê ma pêro bido ke dinyayêka weş mumkin a.”

 

Piştîdayîşê semedê prosesê Aştî û Cimatê Demokratîkî ke dimayê vengdayîşê Rayberê Şarê Kurdî Abdullah Ocalanî dest pêkerdbî roj bi roje zêde bena. Fîlozofa femînîste Elizabeth Anderson derheqê prosesî de Ajansê Mezopotamyayî (MA) rê mesajêk şirawit û sipasîyê her kesê ke semedê aştîye xebitîyenê kerde.

 

Elizabeth Anderson mesajê xo de wina va: “Serra neweyî dir ma prosesê aştîye yê Tirkîya bi keyfweşî pêşwazî kenê. Her game Tirkîya rayîrê cimatêko aştîwaz û demokratîkî de yenê eştiş do nîşanê ma pêro bido ke dinyayêka weş mumkin a. Otorîterî xo seperneno qebûlkerdişî û ewnîyayîşêk bêhêvî. Demokrasîyêk gane û xurt zî lazimîya xo bi hêvîye est o. Ez sipasîya her kesê ke Tirkîya de semedê aştîye xebitîyenê kena û semedê şaranê Tirkîya û pêro merdimîye başîye hêvî kena.”