MERKEZÊ XEBERAN - Cinîya kurde ya şarê Sineyî Ezîze Muradiyan, 8 rojî yo hemverê destbendkerdişî grevê vêşanîye dest pêkerd.

 

Goreyê malpera Vengê Tepişteyanê Kurd û Îranî, cinîya kurde ya bi nameyê Ezîze Muradiyan ya şarê dewa Tengîser ya girêdayeyê bajarê Sine yê Rojhelatê Kurdistanî ya ke Zîndanê Sine de yena tepiştiş, 8 rojî yo hemverê bêhuqûqî û destbendkerdişî grevê vêşanîye dest pêkerd.

 

Eynî çime neql kerde ke Ezîze Muradiyan nêweş a, pêwa rewşa weşîya aye xirabe zî demo ke ameye destbendkerdiş ra nêameya dermankerdiş.

 

Derheqê ceza yan dewaya Ezîze Muradiyan de tu agahî nêameyî parekerdiş.

 

Erjê qalkerdişî yo Ezîze Muradiyan na aşma kanûne de hetê hêzanê Îranî ra cayê xo yê karî yê Merîwanî ra amebî destbendkerdiş. Hêzê îstîxbaratê Îranî demê destbendkerdişî de cayê karî de cigêrayîş kerdbî û zafê hacetî desteser kerdibî.