AMED - Îdarekarîya Polîtîkayanê Cinîyan ê Şaredarîya Bismilî cinîyan dir kom bî.

 

Îdarekarîya Polîtîkayanê Cinîyan ê Şaredarîya Bismilî ya Amedî bi sloganê “Qiseyê ma yê semedê cuyêka azad û bêşîdetî peynî nêbî, ma do pîya şîdet vindarnê” dewa Baharliyî de cinîyan dir kom bî. Kombîyayîşo ke 49 cinîyan dir ame kerdiş, babetanê “Muhîmî û Tarîxê 25ê teşrîna peyêne”, “Têduştîya Cinsî”, “Şîdetê Hemverê Cinîyan” û “Mekanîzmanê Têkoşînê Hemverê Şîdetî” ser ame vindarnayîş.

 

Beşê Polîtîkayanê Cinîyan do heta 30ê teşrîna peyêne tax û dewanê qeza de xebatanê xo bi sloganê “Qiseyê ma yê semedê cuyêka azad û bêşîdetî peynî nêbîyo, ma do pîya şîdet vindarnê” bido domnayîş.