ÊLIH - Sekreterya Înîsiyatîfê Yewîya Demokratîk Songul Korkmaz, dîyar kerd ke înîsiyatîf babeta averşîyayîşê "Prosesê aştî û komelê demokratîkî" de cayêk muhîm gêno û hedefê înan yê esasî awankerdişê komelê demokratîk o.

 

Înîsiyatîfê Yewîye ke hetê partîyê sîyasî yê Kurdistanî, rêxistinê komelê sivîlî, rîspiyê komelî û temsîlkarê sazgehê bawerî û demokratîk ra ame awankerdiş û Amed de awankerdişê xo neql kerd.  Deklarasyon de ame vatiş ke amancê înîsiyatîfî oyo ke yewîya şarî, bawerî û kulturê cîya yê Kurdistanî bi ca bîyaro û do xebatanê xo na çerçawa de dewam bikero.

 

Sekreterya Înîsiyatîfê Yewîya Demokratîk Songul Korkmaz, derheqê proseso ke bi serkêşîya Rayberê Şarê Kurdî Abdullah Ocalanî ameyo destpêkerdiş de qisey kerd.

 

Amanco esas caardişê yewîya netewê kurdî yo

 

Songul Korkmaz dîyar kerd ke amancê awankerdişê înîsiyatîfî oyo ke Yewîya Neteweyê Kurdî bêro awankerdiş û wina va: “Pêwa nê amanc oyo ke ziwanê dayîke bibo ziwanê perwerdeyî. Semedê kultur û bawerîyê Kurdistan û Tirkîya, pêro şar bi ziwan, bawerî, kultur û nasnameyê xo biciwîyê xebatê ma bêrê kerdiş. No demo ke polîtîkayê şerê taybetî vejîyayê sewîyeya tewr corî de do xebatê ma yê hemverê şerî dewam bikerê. Dima ra hemverê şîdetê cinîyan ser polîtîkayê hemverê ciwanan do xebatê ma bibê. Ma do hemverê desteştişî û tîryakî têkoşînê xo her cayî de bikerê.”

 

Xebatê hîra yê înîsiyatîfî

 

Songul Korkmaz dîyar kerd ke semedê çareserîya meseleya kurdî plansazîyê xebatê înan yê hîra est ê û va: “Babeta çareserîya meseleya kurdî do komxebate, panel û atolyeyê ma bibê. Do şar zî tewrê nê xebatan bibo. Xebatê ma yê wareyê ekolojîk, ekonomî, weşîye û xeylêk wareyan de dewam kenê. Ma 26ê temmuze de Bazid de konferansêk pê ard. Konferans de hewcedarîyê bi yewîya neteweyê kurdî vejîya werte. Pawitiş û destekdayîşê semedê vengdayîşê ‘aştî û komelê demokratîk’ ê Rayberê Şarê Kurdî 27ê sibate de kerdo, nokteyêk muhîm de ca gêno. Hewce bi metodo aştiyane û demokratîkî est o. Na babete de berpirsyarî kewena milê pêro kesî ser. Ganî her kes tewrê prosesî bibo.”