MERKEZÊ XEBERAN - Merkezê Rojnamegeranê Afganîstanî goreyê raporê ke weşan kerdî, hetê Talîbanî ra hemverê rojnameger û sazgehê medya de 190 ra zêdeyêr îhlalê heqî ameyê ciwîyayîş.

 

Goreyê raporê Merkezê Rojnamegeranê Afganîstanî,  Talîbanî serra vîyarte zextê medya ser o zêde kerdo  û pişta xo bi qanûnê, “Emirkerdişê Başî û Dûrvistişê Xirabî” girêdayo. Nê ser de tedayê xo medya ser o hîna zêde kerdo.

 

Rapor de ame vatiş ke serra çarine yê Talibanî îqtîdar bi dest kerdo de, tewr tay 190 ra zêdeyêr binpaykerdişê azadîya medyaye û rojnamegeran, seranserê welatî de ameyê tomarkerdiş ke no serra vîyarte ra zêdeyêr o. Rapor de ame dîyarkerdiş ke nê waqayan ra 45ê ci sazgehê medya û rojnamegeran rê tehdîd û binpaykerdiş o. Dewam de ame vatiş, Talîbanî tewr tay 45 rojnamegerî destbend kerdê û nînan ra 10ê xo hema zî tepişte yê.