ÎDIR - Meclîsê Cinîyan ê DBP'yî Zozanê Korxanî yê Îdirî de cinîyê bêrîvanan dir komxebata "Îdeolojîya Xelasîya Cinîyan" organîze kerd.

 

Meclîsê Cinîyan ê Partîya Herêmanê Demokratîke (DBP) Zozanê Korxanî yê Îdirî de bêrîvanan dir komxebata "Îdeolojîya Xelasîya Cinîyan" organîze kerd. Temsîlkara Hemsereka DBP'yî Narîn Gezgor, endama Meclisê Partiye ya DBP'yî Zeynep Kaya, Hemsereka Bajarî yê DBP'yî Kezban Karasu, Hemşaredara Îdirî Nejla Kum û xeylêk cinî bînî beşdarê komxebate bî.

 

'Verê cuya her kesî sey yê şima bî'

 

Narîn Gezgor, dîyar kerd ke ê nê komxebatan sey Meclîsê Cinîyan ê DBP’yî organîze kenê û va, "Ma çend aşmî yo her cayî de komxebatê Îdeolojîya Xelasîya Cinîyan organîze kenê. Ewro, ma tîya sey meyman zozanê şima de yê. Sey cinîyê ke semedê azadîya cinîyan têkoşîn kenê, ma wazenê camêrdan zî bivirnê. Cuya şima ya xozayî zî est a. Belê, hetê xidarî est ê, la mîyanê şima de yewîye zî est a. Tarîx de vernîya dewletan, her kes cuyêke sey şima ciwîyayîne. Nika, her kes tîya zano ke ê çi ciwîyenê. Cinî merkezê cuye bî. Camêrdan seyd kerdêne, cinîyan ramitêne, her çî destê cinîyan de bî." 

 

Komxebate dimayê sohbetê cinîyan dir bi sloganê "Jin jiyan azadî" peynî bî.