NAVENDA NÛÇEYAN - Li Lubnanê di komxebatê de ku nûnerên Kongra Star û Komeleya Newroz a Çandî û Civakî jî tevlê bûn, tundiya li dijî jinan gotûbêj û ezmûnên jinan li Bakur û Rojhilatê Sûriyeyê nirxandin.

 

Yekitiya Nîştimanî ya Sendîqeyên Kedkaran bi hevkariya Komeleya Wekheviyê-Werda Buturs a Jinan, komxebateke mafnasiyê bi sernavê "Tundî û Cudakariya li dijî Jinan û Zehmetiyên Guhertinê" li dar xist. Komxebt li Navenda Foruma Hefteyan a li bajarê Seyda  yê Lubnanê pêk hat.  Şandeyeke Kongra Star û Komeleya Newroz a Çandî û Civakî  jî tev li komxebatê bûn.

 

Di Rûniştina ji bo qanûnên malbatê hatibû veqetandin de nûnera Têkiliyan a Kongra Star, Henan Osman ezmûna jinên li Rojava di çarçoveya Rêveberiya Xweser a Bakur û Rojhilatê Sûriyeyê de nirxand.

 

Henan Osman destnîşan kir ku jinan li Bakur û Rojhilatê Sûriyeyê modelek qanûnî û îdarî pêşkêş kirin ku li ser bingeha hemwelatîbûnê ye ne li ser bingeha kotayên mezhebî ye. Her wiha bal kişand ser sîstema hevserokatiyê ku beşdariya jinan di biryardana siyasî, îdarî û civakî de bi awayekî rastîn xurt kiriye.

 

Komxebat bi gotûbêjên vekirî bi dawî bû. Beşdaran bal kişand ser girîngiya  yekkirina qanûnên malbatê, pêşvebirina hevkariya zayendî di avahiya rêveberiyê de, pêşîgirtina her kiryarên ku rê didin cudakariya qanûnî û civakî li dijî jinan.