NAVENDA NÛÇEYAN - Kongreya PKK’ê ku di navbera 5-7'ê Gulanê de pêk hat, bû rojeva ajansên navneteweyî.

 

PKK’ê di daxuyaniya xwe ya îro de ragihand ku kongreya 12'emîn a PKK'ê di navbera 5-7'ê Gulanê de pêk hatiye. Di daxuyaniyê de hate diyarkirin ku hûrguliyên derbarê kongreyê de wê di rojên pêş de were parvekirin.

 

Ragihandina lidarxistina kongreya PKK’ê bû rojeva çapemeniya cîhanê. Ajansên nûçeyan ên navneteweyî yên wekî Reuters, Associated Press (AP) geşedanê kirin manşet. Bi taybetî kongreya ku hat diyarkirin piştî banga Rêber Apo pêk hatiye, di navbera pêvajoyên çareserî û muzakereyê de wekî geşedanekî balkêş hat şîrovekirin.

 

Reuters

 

Ajansa nûçeyan a navendê wê Îngilîstan Reuters biryara kongreya PKK’ê wekî “ Piştî banga bêçekbûnê ya serokê PKK’ê yê li girtîgehê ‘biryarên dîrokî’ yên kongreya PKK’ê ya Kurd” weşand.

 

 

Assocıated Press (Ap)

 

AP’ê ya navend DYE’yê jî bi sernavê “Koma milîtan a PKK’ê beriya teyîtkirina belavbûnê biryarên ‘dîrokî’ girt” daxuyaniya kongreyê kir rojeva xwe.

 

RFI

 

Radyoya dewletê ya Fransayê jî bi sernavê “PKK ragihand ku ji bo feshkirina xwe, kongreya xwe bi awayekî ‘serkeftî’ pêk anî” nûçeyê da. Di nûçeyê de hate destnîşankirin ku kongre bi banga Abdullah Ocalan kom bûye

 

Courrier International

 

Ji çapemeniya Fransî di nûçeya Courrier International de jî hate diyarkirin ku PKK bi armanca aştiyê kongreya xwe ya 12’emîn pêk aniye.

 

The Washington Post

 

Rojnameya Amerîkî The Washington Post, geşedanê bi sernavê “Koma milîtan a PKK’ê beriya piştrastkirina belavbûnê biryarên dîrokî girt” da. Di nûçeyê de îşaret bi banga dîrokî ya Abdullah Ocalan hat kirin.

 

Ekathimerini

 

Rojnameya e-kathimerini ya Yewnanîstanê, Kongreya 12’emîn a PKK’ê bi sernavê “PKK biryarên dîrokî wergirt” ragihand.

 

Al Monitor

 

Al Manitor a DYE’yê bi manşetê diyar kir ku kongreya PKK’ê wekî bersiva banga Abdullah Ocalan ya ji bo bidawîkirina şerê bi Tirkiyeyê re pêk aniye.

 

 

Deutsche Welle

 

Rûpela Tirkî ya Deutsche Welle ku saziya weşanê ya Elmanyayê ye daxuyaniya kongreyê ya PKK’ê bi sernavê “PKK: Me di kongreyê de biryarên dîrokî girt” da.

 

BBC

 

BBC ya navend Îngilîstanê jî di rûpela xwe ya Tirkî de got, “PKK’ê kongreya xwe kom kir: Biryarên dîrokî hat girtin.”

 

L’orıent-LE jour

 

L’Orient-Le Jour ya navend Beyrûdê destnîşan kir ku PKK’ê kongreya xwe ya 12’emîn bi awayekî serkeftî pêk aniye.