Dirbesîye de seba 25 Teşrîna Peyêne rayîrşîyayîş
- 14:41 19 Teşrîna peyêne 2026
- NAROJANE
MERKEZÊ XEBERAN - Roniştoxê bajarê Dirbêsîye çalakîya xo ya semedê roja 25ê teşrîna peyêne de veng dayî ke heme cimat hemverê şîdetê cinîyan ser o têkoşîn bikero.
Bajarê Dirbêsîye de Kongra Star semedê 25ê teşrîna peyêne Roja Têkoşînê Hemverê Şîdetê Cinîyan Ser rayîrşîyayîşêk organîze kerd.
Rayîrşîyayîş Çatrayîrê Cinîye ra dest pêkerd û heta Çatrayîrê Şaredarîye dewam kerd. Rayîrşîyayîşî de pankartê "Semedê peynîardişê şîdetê hemverê cinîyan bibê yew, Jin, Jiyan, Azadî" ameyî berzkerdiş. Sewbîna sloganê "Jin, Jiyan, Azadî" berz kerdî.
Dimayê deqeyêk rêzgirewtişî şaredarê bajarî Silêman Xelîl qisey kerd û va: "Cinîyan serkêşîya Şorişê Rojavayî kerd û rolê înan xurt bî. Heta ke cinî azad nêbê cimat azad nêbeno. Hişmendîya mêrdeyî ne tena îqtîdarê cinîyan ser o keno, sewbîna koledar zî îqtîdarê mêrdan ser o keno. Lazim o ke her kes na hişmendîye ra xelas bibo û cinî û mêrdeyî têduşt biciwîyê."
