Hemverê şîdetî de atolyeyan de ameyî têhet

  • 13:54 19 Teşrîna peyêne 2026
  • NAROJANE
EDENE - Atolyeyanê ke Qezayanê Seyhan û Yuregirî yê Adanayî de bi tewrbîyayîşê cinîyan ameyî organîzekerdiş de, meseleyê sey qetilkerdişê cinîyan, pawitişê esasî hemverê şîdetî, problemê ziwanê dayîke û rolê cinîyan ê Prosesê Aştî û Cimatê Demokratîkî ameyî ercnayîş.
 
Bi nêzdîbîyayîşê 25ê teşrîna peyêne, Roja Mîyanneteweyî ya Têkoşînê Hemverê Şîdetê Cinîyan Ser, cinî tewr zaf nê demî de çalakî organîze kenê. Cinîyanê Adanayî atolyeyanê taxan de ameyî têhet ke têkoşînê hemverê şîdetî biercnê. Nê atolyeyî taxa Şakirpaşayî ya Qezaya Seyhanî de, sewbîna taxanê Anadolu û Guzel Cumhuriyetî yê Qezaya Yuregirî de pê ameyî.
 
Munaqeşeyî; têkoşînê hemverê şîdet û qetilkerdişê cinîyan, pawitişê esasî, muhîmîya ziwanê dayîke û rolê cinîyan ê Prosesê Aştî û Cimatê Demokratîkî ser o bîyî. Şîdetê ke cinî her wareyê cuye de rî bi rî manenê, konseptê pawitişê esasî û rolê cinîyan ê prosesê aştîye de, bîyî babeta esasî yê nê atolyeyan.