Neslîhan Kardaş

 

ŞIRNEX - Mexazeya Piştîdayîşê Kezî ya ke par aşma çeleyî de binê venga Şaredarîya Cizîrî de ameye akerdiş, a roja ra heta nika piştîdayîşê 550 keyeyan rê da.

 

Şaredarîya Cizîrî 5ê çeleyê 2025ine de Mexazeya Piştîdayîşê Kezî akerd. Mexazeyî dir bale ant serê muhîmîya piştîdayîşê komelî. Nameyê “Kezî” zî mûnayîşê porî yê ke semedê cinîyanê kurdî sembol o, yeno. Mexaze kuçeya Zubeyde ya taxê Cudîyî de ameye akerdiş û a roja ra heta nika zafê cinîyan hewcedarîyanê xo uca ra peyda kerdî. Bi piştîdayîşê esnafanê bajarî dir, xida, cil û belg, hacetê keyeyî bêpere yenê peyda kerdiş. Hîrê cinîyê ke mexazeyî de xebate kenê, semedê kesanê ke tespît kenê û hewcedarîyanê înan est a hetkarîyan şirawenê.

 

Cinîyê ke mexaze de xebate kena yew ci ra Şukran Çeter a û aye derheqê xebatan de qisey kerd.

 

‘Ma esasê hewcedarîye de piştîdayîş danê’

 

Şukran Çeter va ke mexazeya Kezî aşma çeleyî de ameye akerdiş û wina va: “Armancê na mexaze no yo ke piştîdayîşê keyeyê feqîran bido. Roja ke ma mexaze akerd ma zafê esnafan dir pêvînayîş kerd. Esnafanê ma yê ke ma pêvînayîş înan dir kerd bi îmkananê xo piştîdayîşê ma danê. Ma zî xebatanê xo de keyeyê hewcedar tespît kenê. Berardişê ke esnafî danê ma, ma zî danê nê keyeyan.”

 

‘Bi xebata seha tespît yeno kerdiş’

 

Şukran Çeter dîyar kerd ke yewîya ekonomî ya girêdayeyê Mudirîya Polîtîkayê Cinîyanê Şaredarîya Cizîrî dir taxan de xebate domnenê û wina va: “Ma bi nê xebatan keyeyê ke wayîrê hewcedarî yê tespît kenê. Pêwa nê cinî zî muracat kenê.”

 

Semedê esnafan vengdayîş

 

Şukran Çeter eşkera kerd ke heta nika piştîdayîş 550 keyeyan rê dayê û wina qedêna: “Zafê hewcedarî werd, hacetê keyeyî de yenê dîyayîş. Ma hewl danê her tewir hacet bidê. Nê semedî ra veng dana heme esnafan. Heta destê înan ra yeno wa bibê hetkar, ma zî keyeyan rê bibê hetkar.”