MERKEZÊ XEBERAN - 13ine Festîvala Sakîne Cansiz meşte bajarê Zurîhî yê Swîsre de bi sloganê “Nika Dem Demê Cinîye Yo” yena organîzekerdiş.

 

13ine Festîvala Sakîne Cansiz meşte bajarê Zurîhî yê Swîsre de yena organîzekerdiş. Na festîvale her serre seba vîrardişê Sakîne Cansiz ameya pênasekerdiş. Sakîne Cansiz yew awankerdoxa PKK'yî bîye û 9ê çeleyê 2013ine de Parîs de ameybî qetilkerdene. Festîvale bi serkêşîya Yewîya Cinîyanê Kurdan ê Swîsreyî (YJK-S) pê yena. 20 ra zêde dezgehê cinîyan paştdayîşê na festîvale kenê. Mîyanê înan de Grevê Cinîyan ê Femînîstî, Partîya Sosyalîst û rêxistinê cinîyan ê Keskî zî est ê.

 

Festîvale meşte Kaserneareal a Zurîhî de saete 11.00ine de dest pê kena. Bernameyê festîvale zaf dewlemend o. Nê hunermendî û komî do vejîyê sehne ser o:

 

Ayfer Duzdaş, Nûbûn, Nazê Azîzî, Eylul Nazlier, Berfîn Demîr, Nûarîn, Koma Stranan a Jinan (Hunera Mizgîn Swîsre), Koma Folklorê ya Swîsreyê, Koma Govendê ya Herêmî, Koma Erbane, Konê Dengbêjan û Zarok Ma.