MERKEZÊ XEBERAN - 10 tepişteyanê cinîyanê ke Zîndanê Evîne yê Tehranê Îranî de yenê tepiştiş bi sebebê ke eşkerayîyanê cezaya dardekerdişî protesto kerdî, şuxilnayîşê telefonî û pêvînayîş ame qedexekerdiş.

 

Koma Çalakîya Hembeş (GAM) nêrazîbîyayîşê xo vera qerarî û venga peynîkerdişê zordarîya ser tepişteyan mojna. Eşkerayîya ke ameye dayîş de dîyar bî ke ceza semedê protestoyê hemverê cezayê dardekerdeyan ê ke ameyî organîzekerdiş, çalakîyanê zîndanî û pêvînayîşanê bi çapemenîye ra ameyê birnayîş.

 

Eşkerayîye de îfade bî ke qedexeyê behsî pêvînayîşê tepişteyanê cinîyan yê bi keye û avûkatanê înan asteng keno û no zî tecrîd û zordarîya psîkolojî zêde keno.

 

Mîyanê tepişteyanê cinîyan ke ceza înan rê ameya birnayîş de tepişteya sîyasî Werîşe Mûradî zî est a ke binê tehdîdê dardekerdeyan de ya. Derheqê ke qedexe heta key do dewam bikero eşkerayîyêka fermî nêameye dayîş.

 

Nameyê tepişteyanê cinîyanê bînan ê ke şuxilnayîşê telefonî û pêvînayîş înan rê ame qedexekerdiş wina yê: Elaheh Foladî, Foruh Tahîpur, Sakîneh Parvaneh, Şîva Îsmaîlî, Zahra Safayî, Golroh Îrayî, Marzîeh Farsî, Nasim Simiarî û Lîndsay Forman.