STENBOL - Bi des hezaran welatijî semedê 1ê Gulane, Roja Yewîye, Paştî û Têkoşînî, Meydanê Kadikoy Rihtimî de kom bî.

 

Stenbol de bi hezaran welatijî verê Nêweşxaneyê Nimûne yê Haydarpaş û Îstasyonê Metroyî yê Sogutlu Çeşme de kom bî û semedê 1ê Gulane, Roja Yewîye, Paştîdayîşî û Têkoşînî, ver bi Meydanê Rihtimî de rayîr ra şî. Girseyo ke hemverê şerê emperyalîst, îstismarê kapîtalîst û desteserkerdişê heqan bi yew, waştişê xo ardî ziwan.

 

Yeno pawitiş mîtîngo ke pankartê bi nuştişê "Biciwîyo 1ê Gulane" ameyî berzkerdiş, ancî reaksîyonê hemverê qirkerdişê karî, krîzê ekonomî û qedexeyê  Meydanê Taksîmî ser bimojnê.