STENBOL - Amadekarîyê Rayîrşîyayîşê Şewe yê Feminîstî yê 8ê Adare temam bî. Komîsyonê Çapemenîye yê Rayîrşîyayîşî Betul Topkaya vengdayîşê beşdarbîyayîşê cinîyan kerd. 

 

Her serre fînalê çalakîyê bi wesîleya 8ê Adare Roja Cinîyan a Dinya, bi rayîrşîyayîşê şewe yeno organîzekerdiş. Sloganê emser ê Rayîrşîyayîşê Şewe yê Feminîstî yê 24ine ke do Stenbol de bêro organîzekerdiş, sey "Têkoşîn hemverê patriyarka û heterokseksîzmî, kapîtalîzm û şerî" ame dîyarkerdiş. Cinîyê ke do biroj Kadikoy de kom bibê, do şan de saete 19.30 de Taksîm Siraservîslerî de bêrê têhet. 

 

Komîsyonê Çapemenîye ya Rayîrşîyayîşê Şewe yê Feminîstî Betul Topkaya, vengdayîşê beşdarîya rayîrşîyayîşî kerd. 

 

Betul Topkaya ard vîr ke Rayîrşîyayîşê Şewe yê Feminîstî serra 2003ine de bi komêk qij yê hemverê şerî dest pêkerd û serran dir açarya çalakîyêke girseyî. Betül Topkaya dîyar kerd ke rayîrşîyayîşan de pêwa şer, îşxalî, erdlerzî îşaret bi şîdetê camêrd, kiştişê cinîyan û kedwerî zî yeno kerdiş. 

 

Betul Topkaya dîyar kerd ke cinî cuyêka têduşt û azad wazenê û va ke kuçe û şewe zî yê cinîyan ê. Betul Topkaya pêro cinîyan dawetê rayîrşîyayîşê ke do şanê 8ê Adare organîze bikerê.