Derya Ren

 

RIHA - Endama Meclîsê Îştarî ya Mexmûrî Cîhan Kaplan derheqê averşîyayîşê Mexmûrî de qisey kerd û da zanayîş ke hêrişê Tirkîya her tim dewam kenê û va: “Nika dewleta tirke û îdareyê Iraqî tehdîdê hêrişan domneno. Zîhniyetê Rojawanî ewro Şengal û Mexmûr de yeno pratîzekerdiş.”

 

Averşîyayîşê Rojhelatê Mîyanên yenê ciwîyayîşî dir herêma Kurdistanî de zî pêrodayîşî zêde benê. Eşkerayîya Wezîrê Karê Teberî yê Tirkîya Hakan Fîdan û planê DYA-Îsraîlî yê Rojhelatê Mîyanên semedê başûrê Kurdistanî tehdîdan awan keno. DAIŞ’î ke zîndanê Sûrîye ra vejîyayî sewqê zîndanê Iraqî ameyî kerdiş û no endîşe awan kerd ke nê komî bi armancê cîya bêrê caardiş.

 

Endama Meclîsê Îştarî ya Wargehê Multecîyanê Şehîd Rustem Cûdî (Mexmûr) Cîhan Kaplan derheqê rewşa peyîne de ajansê ma ra qisey kerd.

 

Xoverdayîşê Mexmûrî

 

Cîhan Kaplan mesajê Rayberê Şarê Kurdî Abdullah Ocalan yê şarê Mexmûrî rê ame şirawitişî ard vîr û va: “Ez şehîdê têkoşînê azadîye yad kena. Serra 1994ine heta nika têgêrayîşî dir ma têkoşîn domna. Serra 1994ine heta ewro ma cinî, tutî û heme şarî têkoşîn de ca gênê. Destpêk ra heta ewro ma taqîbkerdoxê xoverdayîşî yê. Bi xoverdayîşê ma şehîd û serkêşan ra girewt ma heta ewro amey. Raywanîya 30 serrî de ma xeylêk rey dişminî dir rî bi rî bîyî. Hemverê nê hêrişan de bi hişmendî û îradeyê ke serekîye rêxistin kerd ma ameyî na sewîya. Bi taybetî ma cinî dest bi têkoşînî kerd. Bi hişmendî û fikrê Rayber Apo û şehîdan ma amey na sewîya.”

 

‘Tu hêz nêeşkeno xoverdayîşê cinîyan ê Mexmûrî bişikêno’

 

Cîhan Kaplan bale ant ser hêrişê DAIŞ’î yê serra 2014ine Mexmûrî ser û wina dewam kerd: “Wazenê nê caardişê bêmerdimî reyna bikerê cuyayîşî. Cinîyê Mexmûrî hemverê nê zîhniyetî xo rêxistin kenê û bi fikrê Rayberî newe kenê. Hema zî cinî hemverê hêrişan têkoşîn kenê. Serra 2014ine heta ewro ruhê vejîya orte cinîyan rê mîrasêk pîl verda yo. Şerê hemverê DAIŞ’î de Mexmûr de cinî îradeyêk xurt dayî orte. Tu hêz nêeşkeno xoverdayîşê cinîyan ê Mexmûrî bişikêno. Ma venga serekî bi coşêk pîl pêşwazî kerd.”

 

Bêvengîya hêzê mîyanneteweyî

 

Cîhan Kaplan va hêrişê Tirkîya sera 2014ine heta nika sere de Mexmûr, Şengal, Başûr û Rojawanî ser o dewam kenê û wina va: “Nê tehdîdî roja ma koç kerd heta nika dewam kenê. Tehdîdê hêrişê Tirkîya û îdareyê Iraqî dewam kenê. Hemverê hêrişan ma do reng û îradeyê xo bi hawayêko xurt 8ê Adare de bidê orte. Ma fikr û ewnîyayîşê Rayber Apo dir bêrê têhet û têkoşîn berê wareyê 8ê Adare. Wa 8ê Adare heme şervananê cinî, cinîyê têkoşer û heme cinîyan rê pîroz bo.”