ANQARA - Înîsiyatîfê Edaletê semedê Roboskî aşmê 170ine de waştî ke faîlê Roboskî bêrê cezakerdiş û semedê Roboskî waştişî edaletî kerdî.

 

Înîsiyatîfê Edaletê semedê Roboskî, aşma 170ine yê qirkerdişê Roboskî ke 34 welatijê sivîlî dewa Roboskî yê qezaya Qilebanî ya Şirnexî hetê teyareyê şerî yê Tirkîya dir ameyî qetilkerdiş, eşkerayîye da. Eşkerayî Cadeyê Sakarya yê qezaya Çankayî ya Anqarayî ame dayîş. Endam û temsîlkarê Înîsiyatîfî, partîyê sîyasî û sazgehê sivîlî beşdarê eşkerayî bîyî. Eşkerayî de pankartê “Wa kiştoxî bêrê cezakerdiş û qirkerdişê sey Roboskîyî tu wext pê nêrê” ame akerdiş.

 

Awankerdoxê înîsiyatîfî û îdarekarê ÎHD’yî Tanju Gunduzalp metnê eşkerayîye wend. Tanju Gunduzalp dîyar kerd ke qirkerdişê Roboskî roşnkerdiş û wina va: “Qirkerdişê Roboskî heta nika 170 aşme derbas bîyo. Pêwa 15 serran dima qirkerdişê Roboskî ke dewlete bi bombeyan 34 welatijî sivîl qetil kerd, edalet pê nêame. Dimayê qirkerdişî destûr nêame dayîş ke tîmê weşîye derbasê cayê qirkerdişî bibê û welatijê birîndarî xelas bikerê. Nê semedî ra welatijê birîndarî zî verdayî ke serd ra bimirê. Prosesê hukm û cipersayîşî de kiştoxî nêameyî cezakerdiş. Waştişê ma oyo ke kiştoxî bêrê cezakerdiş û edalet pê bêro. Roboskî şermê na cograya yo. Heta edalet pê bêro têkoşînê ma do bidomîyo.”

 

Eşkerayî bi berzkirdişê sloganê “Roboskî meke xo vîr ra û mede xovîrrakerdiş” peynî bî.