WAN - Meclîsê Ciwanan ê Partîya DEMî ya Wanî bi beşdarbîyayîşê sîyasetmedaranê kurdî Veysî Aktaş, Çetîn Arkaş û Azîme Işik panelê “Awankerdişê cimatê demokratîk de rolê ciwanan” organîze kerd.

 

Meclîsê Ciwanan ê Partîya DEMî yê Wanî bi sloganê “Bi ruhê ciwantî ver bi awankerdişê cimatê demokratîkî” eywana Tahir Elçî ya Baroya Wanî de panelêk organîze kerd. Siyasetmedarê kurdî Veysî Aktaş û Çetîn Arkaş sey qiseykerdoxî beşdarê panelî bîyî. Pêşkêşkerdişê panelî hetê Arjîn Çinare dir ame kerdiş. Arjîn Çinar nameyê Meclîsê Ciwanan ê Partîya DEMî yê Wanî ser o xêrameyîşê beşdaran kerd. Panel semedê kesê ke têkoşînê azadî û demokrasî de dinyaya xo bedelnayî bi deqeyêk rêzgirewtişî dest pêkerd. Dimayê rêzgirewtişê eywane de sloganê “Bijî Serok Apo” veng da. Dimayê nê mesajê Rayberê Şarê Kurdî Abdullah Ocalan ke 1ine serrgêra prosesê Aştî û Cimatê Demokratîk de ame parekerdiş, ame wendiş. Dimayê wendişê mesajî ciwanan bi yew vengî sloganê “Bê Serok Jiyan Nabe” berz kerdî.

 

Panel de pankartê “Ma ruhê hemrayî aver berê, cuyayîşî de bi komunalbîyayîşî azad bibê”, “Rêxistinê xeta azadîya cinîyan cinîyê ciwan dir reseno azadîye”, “Jin jiyan azadî” ame daliqnayîş. Panel de babete ser “Awankerdişê cimatê demokratîk de rolê ciwanan” munaqeşeyî ameyî domnayene.

 

Panel dimayê rêzgirewtişî çapemenîye rê girewte dewam kerd.