Derya Ren

 

RIHA - Endama Konseya Hemserekîya PYD’yî Hediye Yûsif derheqê pêvînayîşê entegrasyonî yê Rojawanî de dewam kenê qisey kerd û va: “Ganî heqê şarê kurdî bi destûrê bingehîn de bêrê mendekerdiş. Peymanêke est a û ganî ablûqaya Kobanê ser o bêro wedarnayene. Eger no pê nêro do proses tehluke bibo.”

 

Endama Konseya Hemserekîya Partîya Yewîya Demokratîk (PYD) Hediye Yûsif derheqê babete de JINNEWS’î ra qisey kerd.

 

‘Vernîya qirkerdişan ame girewtiş’

 

Hediye Yûsif da zanayîş ke herême de derheqê şerê hêrîne yê dinya de planî yenê kerdiş û wina dewam kerd: “Goreyê planê ke yenê kerdiş no şer ameyo destpêkerdiş. Çarçeweya nê planî de hêrişê herême kerdî. Labelê bi hewldayîşê Rayber Apo û bi têkoşînê şarê kurdî vernîya qirkerdişan ame girewtiş. Vindarnayîşê şerî bi nê pê ame û bî wesîle ke kurdî bikewê sîstemêk newe yê pawitişî. Nika adirbest est o. Esasê xebatanê entegrasyonî de nika hîn gamî yenê eştiş.”

 

‘Do xebatî bêrê domnayene’

 

Hediye Yûsif eşkera kerd ke esasê xebata entegrasyonî de xebatan domnenê û na babete de wina va: “Peyman ame îmzakerdiş û çarçeweya entegrasyonî de nika hîn xebatî yenê domnayene. Na peymane heta ça do bidomîyo yan şerêk bîn bibo yan nê, dîyar nîyo. Labelê hewldayîşê ma oyo ke vernîya şerî bêro girewtiş û na peymane semedê şarê ma bi feyde bibo. Ma do bi çarçeweya sazîbîyayîşê xo ver bi ameyoxî de vejîyê rayîrî ser. Sazgehê cimatî û rêxistinî do xebatê xo bi qanûnî bidomnê. Xebatê ke do bêrê kerdiş qanûn û nuştişê destûrê bingehînî zî hewêneno. Şer çin bibo do na rewşe bidomnê. Ganî heqê şarê kurdî destûrê bingehînî de mende bibo.”

 

‘Statu do bêro teyîdkerdiş’

 

Hediye Yûsif peynîya qiseykerdişê xo de eşkerayî kerd ke do beşdarbîyayîşê komîteya nuştîşê destûrê bingehînî pê bêro û qetî do heqê sîyasî, kulturî û perwerdeyî yê kurdî ser o vinderê û wina dewam kerd: “Ez beşdarê konferansê Munîhî bîya. Xeylêk baş bî. Semedo ke heqê kurdan ame munaqeşekerdiş. Ma xeylêk serekê dewletan dir pêvînayîş kerd. No bi tena sereyê xo statu yo. Qanûnê pawitişê kurdan zî do nê statuyî teyîd bikero. Ganî kurdî xoser bibê û heqê înan bêro pawitiş. Bêguman do tesîrê nê pîl bibo. Bêguman yewîye xeylêk muhîm a. Pêwa nê xoverdayîş zî do pîl bibo. Peymanêke est a û ganî ablûqaya Kobanê bêro wedarnayene. No pê nêro do proses tehluke bibo.”