MERKEZÊ XEBERAN - Semedê ablûqaya ke 24 rojî yo hetê çekdaranê Şamî û dewleta tirke ra Kobanê ser o dewam kena, tutêke bîne ya heşt aşme semedê nêbîyayîşê şit û awa pake dinyaya xo bedelnaye.

 

24 rojî yo bajarê Kobanê yê Rojawanê Kurdistanî binê ablûqayê komê çeteyanê girêdayeyê hukmatê demkî yê Şamî û dewleta tirke de yo. Semedê ablûqa her ke şino rewşa merdiman zehmet bena.

 

Goreyê agahî şewa vîyarte tutêke heşt aşme ke keyeyê aye semedê hêrişê çeteyan Reqa ra koçê Kobanê bîbî, semedê nêbîyayîşê şit û awa pake weşîya aye xirabî û dinyaya xo bedelnaye.

 

Vernîya nika Heyva Sor a Kurdistanî 24ê çeleyê 2026ine de neqlkerdebî, semedê ablûqa û nêbîyayîşê sotemenî û xidayî 4 tutan Kobanê de dinyaya xo bedelnayê.