AMED - TJA 'yî bi minasebetê 8ê Adare qezaya Yenîşehîrî de cinîyan dir pêvînayîş kerd.

 

Têgêrayîşê Cinîyanê Azadan (TJA) çarçewaya çalakîyanê 8ê Adare Roja Cinîyan a Dinya de taxa Gurdoganî ya qezaya Yenîşehîrî de cinîyan dir pêvînayîş kerd.

 

Hemşaredara Yenîşehîrî Safiye Akdag û xeylêk cinî tewrê çalakîye bîyî. Safiye Akdag çalakî de qisey kerd û muhîmîyê goşdarîkerdişê problem û waştişê cinîyan nêzdî ra dîyar kerd û venga têkoşînî kerd.

 

Pêvînayîşan de muhîmîyê çalakbîyayîş û eysayîşê cinîyan pêro wareyê cuye de, piştîdayîşê cinîyan û têkoşînê semedê têduştî ame munaqeşekerdiş.

 

Cinîyê ke beşdarê pêvînayîşî bî zî problemê xo pare kerdî û waştiş û pêşnîyazîyê xo ardî ziwan.