Gulistan Gulmuş 

 

RIHA - Rojnamegere Sîdra Mamo derheqê hêrişê Rojawanê Kurdistanî ser de dîyar kerd ke adirbest pê nîno û wina va: “Hesekê ke binê kontrolê YPJ û QSD’yî de yo, aramî est o, labelê hêrişî Til Temirî de dewam kenê.”

 

Hêrişê HTŞ û çeteyê girêdayeyê Tirkîya pêwa zafê adirbestî dewam kenê. Vakur û Rojhelatê Sûrîye şar pêwa zafê zehmetîyan xoverdayîşê girdî mojneno. Yew nê cayanê ke hêrişî ameyê kerdiş Hesekê yo.

 

Rojnamegere Sîdra Mamo derheqê rewşa peyêne JINNEWS’î rê qisey kerd.

 

‘Çeteyî wazenê mîyanê şarê ereb û kurdan de têmîyanî awan bikerê’

 

Sîdra Mamo vernê de derheqê rewşa Hesekê de agahî da. Sîdra Mamo va: “Hesekê de kontrol destê hêzê YPJ û QSD’yî de yo. Tîya şar şewe û roje kîşte YPJ û QSD’yî de şer keno semedo ke bajar bipawê. Ma zanê ke hîn çeteyê DAIŞî wazenê mîyanê şarê ereb û kurdan de têmîyanî awan bikerê. Labelê pêwa nê şar zaf hişyar o û nêkeweno nê dafikan. Her kes çekdar o û hewl dano ke bajarê xo bipawo. Ez zî averşîyayîşê Hesekê taqîb kena. Nika tîya aramîyêke est a. Welatijan semedê tehlukeyê çeteyan keyeyê xo terk kerdî, labelê nika agêrenê. Şar xo asayîş hîs keno semedo ke zano ke kontrol destê hêzê YPJ û QSD’yî de yo.”

 

‘Hêrişê Til Temir û dewanê ci ser o dewam kenê’

 

Sîdra Mamo agahî pare kerd ke hêrişê Til Temir û dewanê ci ser o dewam kenê û va: “Labelê hêrişê HTŞ, DAIŞ û çeteyê ke hetê dewleta tirke ra piştîdayîş benê, Til Temir ke beşê Hesekê yo, dewam kenê. Hêzê YPJ, YPG û QSD’yî pabeyê adirbestî yê, labelê çeteyî goreyê adirbestî tênêgêrenê û hêrişê xo dewam kenê. Çeteyî bi taybetî Til Temir û dewanê ci hedef gênê. Bi taybetî wazenê dewa asûrî ke bi bawerîya xo ya dînî yena nasnayene û beşê Til Temirî ya, hedef bigîrê. Bi pêroyî rewşe wina ya; adirbest est o, labelê hêrişê herême ser o dewam kenê.”