AMED - Pasûr de hemverê hêrişanê Rojawanê Kurdistanî de waştişê vindarnayîşê lez ê hêrişan ame kerdiş.

 

Platformê Sazgehê Demokratîk, kuçeyê Cengiz Topelî yê qezaya Pasûrî ya Amedî de hemverê hêrişanê Rojawanê Kurdistanî de eşkerayîyêke da. Pankartê bi nuşteyê “Rojawan; wijdan, têkoşîn, azadîye yo, nîno teslîmkerdiş” ame akerdiş.

 

Îdarekarê qezayî yê DEM Partî Asim Ozgen hêriş şermezar kerd. Asim Ozgen dîyar kerd ke şarê kurdî prosesêk bîyayîş yan nêbîyayîşî ciwîyeno û va ke ewro zihniyetê DAIŞî Rojawan de yeno piştîdayîş semedê çinkerdişê îradeyê şarî.

 

Peynî de Asim Ozgen bal ant serê lazimîya yewîya kurdan dorê erjê demokratîk û va: “Eke ma nê xoverdayîşî berz bikerê, eke ma rêxistin bikerê, eke ma ruhê yewî xurt bikerê, vilêkê azadîye do Rojhelatê Mîyanên û cografyaya ke ma ci de ciwîyenê abibê.”

 

Eşkerayî bi sloganê “Biciwîyo xoverdayîşê Rojawanî” peynî bî.