Rozerîn Gultekîn

 

WAN - Dayîkê Aştîye ke semedê azadîya fîzîkî ya Rayberê Şarê Kurdî Abdullah Ocalanî û şîyayîşê Îmraliyî do muracatê Wezaretê Edaletî bikerê wina vatî: “Ma tena pêvînayîşê Îmraliyî nê, ma wazenê serekê ma azad bibo û ma dir bibo.”

 

Dayîkê Aştîye semedê ke azadîya fîzîkî ya Rayberê Şarê Kurdî Abdullah Ocalanî bêro ca û sewbîna bi waştişê şîyayîşê Îmraliyî her bajarî de eşkerayî dayî û vatî aştîyêka daîmî bi azadîye ca yena û vatî ê wazenê şêrê Îmraliyî û Abdullah Ocalan dir pêvînayîş bikerê. Yeno pawitiş ke Dayîkê Aştîye rojanê bêrê de muracatê Wezaretê Edaletî bikerê.

 

Dayîkê Aştîye derheqê babete de qisey kerdî.

 

‘Wa aştîye ra nêtersê’

 

Zekîye Kaya da zanayîş ke cinî merkezê têkoşînê azadîye yê û wina qal kerd: “Cinî wazenê şêrê Îmraliyî. Dayîkê ke bi serran semedê aştîye têkoşîn kenê wazenê şêrê verê serekîye. Ma pêvînayîşê yewine de waşt dayîkê aştîye uca de ca bigîrê. 2026ine de şar wazeno serekîya xo bivîno. Ma tena pêvînayîşê Îmraliyî nê, ma azadîya fîzîkî ya serekê xo wazenê. Lazim bo ma do bi gilanê xo keştî virazê û ancî şêrê verê serekîya xo. Wa tu kes azadîya serekîye ra nêterso. Wa aştîye ra nêtersê. Aştî dana qezenckerdiş. Ma şarê kurdî semedê her kesî aştîye wazenê.”

 

‘Wa rayîr akerê ma serekîya xo bivînê’

 

Hanîfe Kaçak zî eşkera kerd ke Rayberê Şarê Kurdî Abdullah Ocalanî roja yewine ra kîşte aştîye de yo û nê çî va: “Ganî Dayîkê Aştîye û Abdullah Ocalan pêvînayîş bikerê. Ma dayîkî wazenê serekîya xo bivînê. Ma venga Wezaretê Edaletî kenê. Wa rayîr akerê ma şêrê serekîya xo bivînê. Ma hêvî kenê ma şêrê uca ma do serekîya xo zî xo dir bîyarê. Wa prosesê aştîye xirab nêbo. Wa gamî bêrê eştiş. Ma venga mesûlîyetî kenê.”

 

‘Veng bidê vengê serekîye’

 

Hedîye Koçek zî venga Wezaretê Edaletî kerd û waştiş kerd ke şêrê Îmraliyî û wina qal kerd: “Ma venga Wezaretê Edaletî kenê. Ma wazenê serekîye dir pêvînayîş bikerê. Çîyo ke ma semedê serekîya xo vajê est ê. Ma azadîya serekîya xo wazenê. 27ê Sibatî ra yo hema dewlete game nêeşta. Ez venga şarê kurdî kena semedê aştîye mesûlîyet bigîrê û goş bidê vengê serekîye. Vengê serekîye semedê her kesî yo. Heta serekîye dir pêvînayîşî nêrêkerdiş aştî mumkin nîya.”