MERKEZÊ XEBERAN - Tepişteya sîyasîye ya verêne û aktîvîsta wendekaran Motahhare Guneî ke bi tometê ‘Propagandaya hemverê rejîmî’ û ‘Heqaretê Hamaney’ cezaya tepiştişî aye rê ame birnayene, semedê caardişê cezaye ameye vengdayîş.

 

Aktîvîsta wendekaran û tepişteya sîyasîye ya verêne Motahhare Guneî, bi eşkerayîya hesabê xo yê medyaya dîjîtalî ser o, neql kerde ke semedê caardişê cezaya serrêke tepiştişî venga aye ameyo kerdiş.

 

Goreyê teblîgatî, ganî nê 5 rojan de semedê caardişê cezayê xo teslîmê zîndanî bibo. Motahhare Guneî verê zî hetê Şubeyê 29ine yê Dadgeha Şorişê Tehranî ra bi tometê ‘propagandaya hemverê rejîmî’ û ‘heqaretê Hamaney’ 21 aşmî cezaya tepiştişî aye rê ameybî birnayene, dimayê nê qerarî hetê Dadgeha Îstinafî ra ame qebûlkerdiş.

 

Heto bîn ra Motahhare Guneî eynî demî de, destpêkerdişê şerê mabênê Komara Îslamîye ya Îranî û Îsraîlî de, hetê hêzanê Wezaretê Îstixbaratî ra ameybî destbendkerdiş û dimayê aşmêke bi kefaletê demkî ameye veradayene.

 

Motahhare Guneî demê şorişê ‘Jin, Jiyan, Azadî’ de ameye destbendkerdiş û demêk zîndan de bîye. Motahhare Guneî, dimayê veradayîşê xo zanîngehe ra ameye eştiş.