MERKEZÊ XEBERAN - Kombîyayîşê Cinîyan ê Zenûbîya dîyar kerd ke cinî vengê aştî û azadîye yê û bê beşdarîya çalak ê cinîyan Sûrîyeyêka demokratîke awan nêbena.

 

Meclîsê Kombîyayîşê Cinîyan ê Zenûbiya yê Kantonê Tebqayî de çalakîyêk vernîya awanîya xo ya bajarê Tebqayî de organîze kerd. Temsîlkarê sazgehê Îdareya Xoser, Weqfê Cinîyanê Azadan, Merkezê Cigêrayîşê Jineolojî û endamê kombîyayîşî beşdar bî. 

 

Çalakî de îdarekarê Meclisê Kombîyayîşê Cinîyan ê Zenûbiya yê Kantonê Tebqayê Necah El Hisên qisey kerd û va: "Vengê cinîyan vengê aştîye yo. Beşdarbîyayîşê çalakî yê cinîyan nêbeno, Sûrîyeya newe awan nêbena. Silam ruhê şehîda aştîye Hevrîn Xelef û temamê cinîyê Sûrîye rê ke semedê welatêk adilane û demokratîk têkoşîn kenê."

 

Dima ra 5 deqe rêze semedê cangoriyê azadî û aştîye ame girewtiş.

 

Na çalakî çarçewaya hemleyê "Piştîdayîşê cinîyan dir ma do Sûrîyeyêka azad, demokratîk awan bikerê" de ame organîzekerdiş. Hemleyê 12ê teşrîna verêne de bi eşkerayîyêke hembeş ê Kongra Star û Kombîyayîşê Cinîyan ê Zenûbiya dest pêkerdibî.

 

Armancê hemle ke goreyê 3 qonaxan ameyo birêxistinkerdiş, bi beşdarîyê cinîyan awankerdişê Sûrîyeyêk zafrengî, demokratîk û bêmerkezî yo.