ERZÎNGAN - Veradayîşê hîrê tepişteyanê sîyasî yê Zîndanê Cinîyan ê Erzingan ke yew înan zêdeyêrî 30 serran zîndan de yê, bi qerarê Heyetê Îdarî û Çimdarî semedê şeş aşman peyser eştî.

 

Veradayîşê Nurcan Aslan, Ardil Çeşme û Zinnet Sağlamku Zîndanê Cinîyan ê Erzinganî de tepişte yê, bi qerarê Heyetê Îdarî û Çimdarî semedê şeş aşman ame dergkerdiş. Redkerdişê ferzkerdiş poşmanî hetê tepişteyan ra û cezayê înan ê dîsîplînî yê verê sey sebebê qerarî ame mojnayîş.

 

Veradayîşê Nurcan Aslan reya diyîne peyser eştî

 

Nurcan Aslan ke new serrî zêdeyêr tepişte ya û veradayîşê aye hetê Heyetê Îdarî û Çimdarî ra reya diyîne peyser eştî, do şeş aşman de hêrîne erjnayîşê aye bêro kerdiş.

 

Veradayîşê Ardil Çeşme zî ame astengkerdiş

 

Veradayîşê Ardil Çeşme ke 30 serrî ra zêdeyêr o tepişte ya, hetê Heyetê Îdarî û Çimdarî ra hîrê ret peyser ame eştiş. Erjnayîşê hîrêne de veradayîşê aye semedê şeş aşmî bînî ame dergkerdiş.

 

Zinnet Sağlam zî pêwa ke cezaya xo temam kerdebî zî nêamî veradayîş

 

Zinnet Sağlam ke cezaya xo temam kerdebî, dimayê erjnayîşê destpêkî yê Heyetê Îdarî û Çimdarî, serbestveradayîşê aye semedê şeş aşmî peyser ame eştiş.