RIHA - Şaxa OHD'yî ya Rihayî dîyar kerd ke ganî babeta tehlîyekerdişê tepişteyanê nêweşan tena ATK wayîrê qerarî nêbo û waşt sazgehê xoserî beşdarê nê prosesî bibê.

 

Şaxa Komeleya Huqûqnasê semedê Azadîye (OHD) ya Rihayî derheqê rewşa tepişteyanê nêweşan vernîya Edlîyeyê Rihayî de eşkerayî da. Endamê Meclîsê Dayîkê Aştîye yê Rihayî, merdimê tepişteyan, Platformê Kede û Demokrasî yê Rihayî, Rêxistina Partiya Têduştî û Demokrasî (DEM Partî) ya Bajar û xeylêk kesê bînî beşdarê eşkerayîye bîyî. Eşkerayîye de pankartê “Semedê tepişteyanê nêweşan azadî” ame wedaritiş. Metnê eşkerayîye hetê Hemverfeka Şaxa OHD’yî Meral Halatî ra ame wendiş. Meral Halatî dîyar kerd ke tu hewldayîşê huqûqî semedê tedawî û azadîya tepişteyan nîno kerdiş û rewşa înan hetê wezaretê têkildar ra açaryeno ceza.

 

Bi domdarî Meral Halat da zanayîş ke Zîndanê Hûmara 1ine Tîpê Tyê Rihayî 2 ci ra rewşa înan giran 5 tepişteyê nêweşî, Zîndanê Hûmara 2yîn yê Tîpê Tyê Rihayî zî 5 ci ra rewşa înan giran 9 tepişteyê nêweşî, Zîndanê Tîpê Tyê Tokatî zî 10 ci ra rewşa înan giran bi pêroyî 12 tepişteyê nêweşî yenê tepiştiş. Meral Halate, wina va: "Nê zîndanan de 17 ci ra giran 26 tepişteyê nêweşî yenê tepiştiş. Îdarekarîyê zîndanan derheqê rewşa tepişteyan de agahîyan nêdanê.”