AMED - Kampanyaya bexşandina pirtûkan a ku şaredariya Yenişehirê ya Amedê ji bo Pirtûkxaneya Giştî ya Rojîn Kabaiş, ku di meha nîsana borî de hate vekirin, dest pê kir, ji weşanxane û bexşvanan piştgiriyek girîng girt.

 

Wekî beşek ji kampanyaya şaredariya Yenişehirê ya Amedê ya zêdekirina cûrbecûr pirtûkan a di Pirtûkxaneya Rojîn Kabaiş de û xurtkirina gihîştina jin, ciwan û xwendekaran a ji bo agahdariyê, berhemên ku hatine bexşandin di rehan de cihê xwe digirin. 

 

Bi hezaran pirtûk, tevî pirtûkên amadekariya azmûnê, klasîkên cîhanê, roman û pirtûkên ji warên cûrbecûr, ji Pirtûkxaneya Rojîn Kabaiş re hatine bexşandin.

 

Bi saya vê hevkariyê, ne tenê pirtûkên di pirtûkxaneya şaredariya Yenişehirê de zêde bûne, lê di heman demê de hêviyên xwendekaran ji bo pêşerojê û derfetên wan ên fêrbûnê jî pir zêde bûne. Di heman demê de, çavkaniyek girîng hatiye afirandin ku dê beşdarî perwerde û pêşkeftina kesane ya xwendekar, jin û ciwanan bibe.

 

Şaredariya Yenişehirê ji bo piştgiriyê spasiya weşanxane û bexşvanan kir ku bi bexşên xwe beşdarî dewlemendkirina pirtûkxaneyê bûne û got ew hêvî dikin ku ev hevgirtina watedar, ku derfetên perwerdehiyê yên zarok û ciwanan xurt dike, berfirehtir bibe."