NAVENDA NÛÇEYAN - Girtiya siyasî Parîsa Kemalî Ardakanî ku li Girtîgeha Yezdê tê girtin, greva xwe ya birçîbûnê ya li dijî yekkirina dosyayên wê yên sûc bi dawî kir.

 

Girtiya siyasî Parîsa Kemalî Ardakanî ku li Girtîgeha Yezdê tê girtin, ragihand ku wê piştî 13 rojan greva xwe ya birçîbûnê ku ji bo nerazîbûna li dijî neguherîna cezayê wê dest pê kiribû, bi dawî kiriye.

 

Parîsa Kamalî Ardakanî sedema bidawîkirina grevê wekî sozên erênî yên rayedaran ji bo nirxandina daxwazên wê rave kir. Ardakanî li Îsfahanê hate binçavkirin û birin navenda binçavkirinê ya Devletabadê. Piştre ji aliyê Şaxa Yekem a Dadgeha Şoreşê ya Îsfahanê ve bi tohmeta "zirardayîna milkê giştî" du sal sirgûn û bi tevahî heft sal û neh meh cezayê girtîgehê bi tohmeta "propagandaya li dijî dewletê" û "endamtiya di komên muxalefetê de" hat cezakirin.