Tepişteya nêweşe Newroz Bozkurte berdîya nêweşxane
- 13:59 16 Teşrîna peyêne 2026
- NAROJANE
ANQARA- Tepişteya nêweşe Newroz Bozkurte seba ke rewşa neweşîya aye giran bîya, berdîyaya neweşxane. Newroz Bozkurte, ke nêzdîyê 28 serre yo hepisxane de ya, neweşîya Lenfositik Losemîya Kronîk a ci de est a. Newroz Bozkurte ke neweşxanî de tedawî bena, rewşa aye a tehluke dewam kena.
Tepişteya nêweşe Newroz Bozkurte, ke Hepisxanê Cinîyan ê Sîncanî de manena, roja şemeyî seba ke erjê aye yê gonî kewtî û rewşa aye giran bîya, berdîyaya nêweşxane. Ame vatene ke na merhele de enzîmê aye yê cigerî zî zêde bîyê. Newroz Bozkurte, ke 28 serre yo girewte ya, hezîrana 2025î de nêweşîya Lenfositik Losemîya Kronîk (KLL) ci de ame teşhîskerdene.
Goreyê agahîyanê ke avûkatan ra amey girewtene, Newroz Bozkurte verê ameya berdene Neweşxaneyê Dewlete yê Sîncanî, dima ra zî sewqê Neweşxaneyê Başêrî yê Etlîkê yê Ankara yî bîya. Newroz Bozkurte nêweşxane de yewîna çimdarîya intensîf de tedawî bena û rewşa aye ya tehluke dewam kena.
Ame vatene ke avûkatê Newroz Bozkurte eşkera kerdo; pêwa ke kanûna serra parî de erjê aye yê gonî kêmî bîyî, doktoran mudaxele nêkerdo; seba naye înan gerreyê doktoran kerdo.
