AMED- Atolyeya Hunerî ya Yekta de seba dewreyê neweyî muracatê qeydkerdişê muzîkî dest pêkerd.

 

Atolyeya Hunerî ya Yekta de ke girêdayeyê Mudirîya Kultur û Karanê Komelkî ya Şaredarîya Peyasî ya, seba kesanê ke wazenê warê muzîkî de aver şêrê qeydkerdişê kursanê dewreyê neweyî dest pêkerd.

 

Atolyeyan de perwerdeyo bingeyin ê muzîkî, teorîya muzîkî, wendiş û nuştişê notayan, solfej, rîtm û perwerdeyê goşdarîkerdişî do bêro dayene. Nê kursan ra teber seba kesanê ke xo îmtîhananê konservatuar û beşanê muzîkî rê amade kenê, sinifê taybetî do bêrê akerdene.

 

Kesê ke wazenê derheqê kursan de agahî bigîrê û qeydê xo temam bikerê, eşkenê rasterast Atolyeya Hunerî ya Yekta reyde têkilî ronê.