MÛŞ - Dadgeha Îdarîya Çewlîgî, tarîxa kifşê yê pisporan semedê wareyê projeyê JESyî yo ke do Gimgim de bêro viraştiş, 8ê teşrîna peyêne dîyar kerd.

 

Şîrketê H2 Enerjî Uretîm A.Ş ya Amerîka wazeno ke dewa Xwarîkeyî ya qezaya Gimgimî ya Muşî de Santralê Enerjîya Jeotermalî (JES) bêro viraştiş. Hemverê projeyî de nobeta ke dewijan dayî destpêkerdiş, dewam kena. Welatijan semedê betalkerdişî yê projeyî 9ê nîsanî de muracatê Dadgeha Îdarîya Çewlîgî rê kerd. Çarçeweya dewaya ke ameye akerdiş de, Dadgeha Îdarîya Çewlîgî 21ê temuze de qerar da ke wareyê projeyî de kifş bêro kerdiş û waştişê raporê pisporan kerd. Pêwa ke di aşmî qerarî ser o vîyart hema zî tu game nêameya eştiş û no bî sebebê nêrazîbîyayîşî. Goreyê agahîyanê ke avûkatê dosyaye Bariş Yildirim pare kerd, pisporî do 8ê teşrîna verêne wareyî de kifş bikerê.