AMED - Şaredarîya Amedî ya Girdî, Merkezê Cuya Cinîyan ê Koşuyolu de Atolyeya Epoksî ke da destpêkerdiş cinî hem çîyê neweyan musenê û hem zî îmkanê ke berardişan viraznenê, biaçarnê erjê ekonomîkî vînenê. 

 

Serekîya Daîreya Polîtîkayanê Cinîyan, seba ke temîn bikero ke cinî prosesanê berhemardişî de hîna bitesîr ca bigîrê û piştî bido ke keda destan bikera erjê ekonomîkî, Merkezê Cuya Cinîyan ê Koşuyolu de Atolyeya Epoksî daye destpêkerdene. 

 

Prosesê perwerdeyî de kursîyerî, pê ceribnayîşê teknîkanê cîya-cîyayan dîzaynanê orîjînalan hazir kenê, tecrubeyê berhemardişî qezenc kenê û qabîlîyetanê destan aver benê. 

 

Atolyeya ke bi beşdarîya 30 cinîyan ame bicaardene, amanc kena ke cinî qabîlîyetanê xo ser o berhemardiş qezenc bikerê û bieşkê bikerê erjê ekonomîkî.