ÎZMÎR - Qezaya Bayindirî ya Îzmîrî de, netîceya qelibyayîşê servîsa ke karkerê cinî yê zîretî ci de bî, 22 kesî birîndar bîyî.

 

Nêzdîyê dewa Kizilcaagaçî ya girêdayeyê qezaya Bayindirî ya Îzmîrî de, midibusa ke karkerê cinîyê zîretî ci de bî qeza kerd. Midibusa ke Necatî Ayerden şuxilnayîne, semedo ke şofirî qontrolê direksîyonî vîndî kerd, rayîr ra vejîya û wareyê daristanî de qelibya.

 

Dimayê qeza, tîmê weşîye, leşkerî, îtfaîye û AFADî şirawîyayî herême. Wesayît de şofir û 21 karkerê zîretî birîndar bîyî. Birîndarî dimayê mudaxeleyê destpêkî cayê hedîse de, berdîyayî nêweşxaneyê dewlete yê Bayindirî û Tireyî.

 

Selahîyetdaran neql kerd ke rewşa birîndaran de tu tehlukeyê cuye çin a.