MERKEZÊ XEBERAN - Avûkate û endama Baroyê Eyaletê Farsî Bahar Şahrayiyan hetê hêzanê asayîşî yê Îranî ra ameye tepiştiş û şirawitî Zîndanê Adilabadî.

 

Goreyê raporê ke medyaya heqê merdiman weşan kerd, roja şemeyî 16ê gulane avûkate û endama Baroyê Eyaletê Farsî Bahar Şahrayiyan, Şîrazî de ameye tepiştiş.

 

Goreyê raporê ke ameye weşankerdiş, Bahar Şahrayiyan, wexto ke semedê karê vekaletî Dadgeha Şorişê ya Şîrazî de bî, hetê hêzanê asayîşî ra ameye tepiştiş.

 

Bahar Şahrayiyan roja yewşemeyî 17ê gulane, sewq ameye kerdiş dozgerîye. Sucanê sey “Hemverê asayîşê neteweyî, kombîyayîş û peymananê nimiteyî”, “Hemverê rejîmê Komara Îslamî xebatanê propagandayî” û “Vilakerdişê xeberanê nêraştî” ra ameye sucdarkerdiş. Dima ra şirawitî Zîndanê Adilabadî yê Şîrazî.

 

Bahar Şahrayiyan verê, semedê xebatanê xo yê meslegî, hetê sazîyanê hukmî ra ameybî destbendkerdiş û rastê taqîbkerdişê hukmî amebî. Avûkata ke wareyê heqê merdiman de xebate domnena, pawitişê tepişteyanê sîyasî kena.