Yeşîm Oruç

 

MERKEZÊ XEBERAN - Goreyê çeteleyê şîdetî yê aşma Nîsane, mîyanê aşmêk de tewr kêm 25 cinîyî û gedeyî ameyê qetilkerdene, 14 cinî û gedeyî zî bi şeklêko şikdar dinyaya xo bedelnaye.

 

Bajaranê Kurdistan û Tirkîya de şîdetê camêrdan dewam keno ke sîstematîk vila beno û hetê polîtîkayê bêcezayî ra yenê paştîdayîşî. Sûcî xeylêk rey hetê camêrdan tewr zêde nêzdîyê cinîyan o û şîdet cayê ke sey "asayîşî" yenê hesibnayîş pê yenê. Fermanê pawitişî yenê binpaykerdiş, gerreyî yenê peygoşkerdiş û cinî bi dewamî hetê mekanîzmayê ke înan muracat kerdê tena yenê verdayîş. Mergê bi gumanî yê cinîyan dewam kenê û hetêk zî dosyayê ke ameyê akerdiş paweyê cigêrayîşî yê. Têkoşînê cinîyan ê semedê cuya û heqê xo zî dewam kenê.

 

Şikdarî ê kesê ke tewr nêzdî yê

 

Goreyê daneyan, 5 cinîyî hetê camêrdan ra ke înan nas kenê, yew cinî hetê zamayê xo ra, 8 cinîyî hetê camêrdan ra ke înan reyde zewicîyayê,  4 cinîyî hetê domananê xo ra, cinîyêk hetê camêrdêkî ra ke nas nêkena, cinîyêk hetê camêrdekî ra ke nasnameyê ey nêameyo eşkerakerdene, 5 cinîyî hetê camêrdan ra ke verê cû yewbînan ra cîya bîyê, cinîyêk hetê pîyê xo ra, 2 cinîyî hetê camêrdan ra ke pîya ciwîyenê, ameyê qetilkerdene.

 

Goreyê şaristanan cinîyê ke ameyê qetilkerdiş

 

Goreyê daneyanê şaristanan, Stenbol de 7, Mugla, Bursa, Çanakkale, Îzmîr, Anqara de 2 cinîyî, Erdexan, Mêrsîn, Samsun, Hatay, Dîlok, Mereş, Erzirom, Edene de cinîyêk ameyê qetilkerdene.