MERKEZÊ XEBERAN - Semedê waştişê azadîya fîzîkî ya Rayberê Şarê Kurdî Abdullah Ocalanî û yewîya kurdan, Tirbespîye de rayîrşîyayîşêk ame organîzekerdiş.

 

Bi sloganê “Ma bi azadîya fîzîkî ya Rayberê Şarê Kurdî Abdullah Ocalanî yewîya demokratîkî ya kurdan qetî bikerê” Meclîsê Bajarî yê Tirbespîye rayîrşîyayîşêk organîze kerd.

 

Bi desine roniştoxî vernîya Îdarekardişê Dibistanan de kom bîyî û heta vernîya meclîsê bajarî rayîr ra şîyî. Beşdarî fotografê Rayber Abdullah Ocalan û alê TEV DEMî berz kerdî.

 

Dimayê ke raywanî resayî verê awanîya meclîsî, uca dimayê deqeyêk rêzgirewtişî endama Însîyatîfê Şarî ya Tirbespîye Xaliya Ehmed qisey kerd.

 

Xaliya Ehmed dîyar kerd ke ganî Rayber Abdullah Ocalan bêro azadkerdiş, “çimkî mifteyê çareserîya problemanê Rojhelatê Mîyanênî Rayberîya ma dir a” û wina dewam kerd: “Vengdayîşê Rayberî yê aştî û cimatê demokratîkî ganî dewam bikero û dewleta tirke zî gamanê aştîye bierzo.”

 

Xaliya Ehmed va ke ganî çar hetanê Kurdistanî de yewîye bêro xurtkerdiş û va: “Dem ame ke êdî ma yewdest bê û hemverê dişminanê kurdan têkoşînê xo bi hêz bikerê.”