ANTALYA - Vahda El Şevvah keyeyê xo yê Antalya de merde ameye vînayîş, dimayê ke binê şertê bigumanî de semedê hêrişê çeke merdebî. Pêwa mêrdeyê aye Halîl E., derheqê merdişê biguman ê aye de 9 kesî ameyî destbendkerdiş.

 

Vahda Al Şevvah vizêrî şewe keyeyê xo yê qezaya Kepezî ya Antalya de, binê şertê bigumanî de, bi guleyan amebî kiştiş. Dimayê agahdarkerdişî, tîmê weşîye û polîsî cayê hedîse rê sewq ameyî kerdiş. Xebatkarê weşîye piştrast kerdî ke Vahda Al Şevvah merda. Dima cipersayîşanê dozgerîye û tîmanê cigêrayîşê cayê hedîseyî, cenazeya Vahda Al Şevvah semedê otopsîye berdî morgê Sazîyê Tibê Edlî yê Antalyayî.

 

Çarçeweya cipersayîşê hedîse de, new kesî, pêwa mêrdeyê Vahda El Şevvahe Halîl E., ameyî destbendkerdiş. La, merdimanê Vahda El Şevvahe îdîa kerdî ke aye xo kişta.

 

Her çiqas muameleyê kesanê ameyê destbendkerdiş qerekolê polîsan de dewam keno zî, ame zanayîş ke cenazeya Vahda El Şevvah do ewro Sazîyê Tibê Edlî ra bêro girewtiş û semedê definkerdişî ver bi Sûrîye bêro şirawitiş.