WAN - Dayîka tepişteyê azadîye Kinyas Ataman, Sarya Ataman nêweşî ra dinyaya xo bedelnaye.

 

Sarya Ataman (63) dayîka tepişteyê azadîye Kinyas Ataman ke nêweşxaneyêk Anqara de semedê nêweşîya qelbî ameyîne dermankerdiş, vizêrî dinyaya xo bedelnaye. Cenazeya Sarya Ataman ewro ardî Wan û Goristanê Akkopruyî qezaya Tûşbayî ya Wanî de defin kerdî. Lajê Sarya Ataman, Kinyas Ataman ke 18 serrî yo tepişte yo, Kinyas Ataman bi destûr beşdarê merasîmê cenazeya dayîka xo bi.

 

Kinyas Ataman merasîm de wina va: “Dayîkê ma tena eke aştî û azadî bibo do baş biciwîyê. Ma zî semedê azadiyê şer kenê û heta roja ewro ma gamêke peyser nêeşta. Belê, merg est o, la ma bi têkoşînê xo nê merdişan manayîn kenê û ma do dewam bikerê. Di roj o merasîmê cenazeya dayîka ma, semedê ameyîşê mi ameyo peyser eştiş. Semedo ke heta ez biresî tîya xeylêk zehmetî estbî.”

 

Şînê Sarya Ataman keyeyê Şînî yê Şavûrlarî yê taxa Xelîl Axa ya qezaya Rêya Armûşê de ame ronayîş.