MERKEZÊ XEBERAN - Netîceya hêrîşî û şerê dewam ê Îranî de, koçkerdişê mîyanênî zêde bî. Goreyê raporê UNHCRyî destpêkê şerî ra heta 3 milyon 2 hezar kesî cayê xo ra koçber bîyê.

 

Komîserîya Berzî ya Multecîyan a Neteweyê Yewbîyaye (UNHCR) koçerîya mîyanê Îranî de bi wesîleya şerî pê ame raporêk weşan kerd. Rapor de tesîrê şerî yê sivîlan ser o ame ercnayîş û dîyar bî ke zaf kesî bajarê girdan ra ver bi herêmê dewan û herêmê nêzdîyê sînorî şinê. Yeno vatiş ke bi taybetî bajarê girdanê sey Tehranî, Îsfehanî, Şîrazî û Tewrêzî ra ver bi qezayê qijî û dewan koçêk gird pê yeno.

 

Nê bajaran de, tewr zaf koç Tehran ra ame tomarkerdiş. Goreyê agahîyan, semedo ke hêrîşî bi taybetî nê bajaran ser o zêde bîyî, se hezaran kesî bajar ra vejîyayê û ver bi herêmanê asayîşêran ra şîyê.

 

Sewbîna rapor de yeno vîrardiş ke teberê hûmara ke ameya tespîtkerdiş, sewîyeya koçî bi temamî nîşan nêdano. Goreyê çimeyê herêmî zî koçê bajaran ra ver bi dewan ke dayeyê fermîyan de ameyê neqlkerdiş zaf zêde yê.

 

Averşîyayîşê peyêne nîşan da ke şer tena wareyê leşkerî ser nîyo, cuya rojane ser o tesîrêk pîl û demografîya Îranî de zî vurîyayîşê muhîm virazeno.