AMED - Amedo ke do 21ê adare de Newroze bêro pîrozkerdîş, amadekarîyê Newroze dewam kenê.

 

21ê Adare de Meydanê Newroze yê Amedî de bi sloganê “Newroza aştî û yewîya demokratîk” mîting bêro organîzekerdiş. Amadekarîyê meydanî yê semedê Newroze ke dest pêkerdî dewam kenê. Sehneyo ke “Newroze Pîroz Bo” ameyo xemilnayîş ser o, sîstemê vengî zî yenê amadekerdîş. 

 

Newroza Amedî do saete 10.00ine de dest pêbikero û 17.00ine de peynî bibo. Pîrozbayî de Hemserekê Pêroyî yê DEM Partî Tuncer Bakirhan, Çalakîkera TJAyî Ayla Akat Ata, Leyla Zana, Çetîn Arkaş û Veysî Aktaş do sey qiseykerdoxî ca bigîrê. 

 

Sewbîna hunermendê Koma Agirê Jiyan, Alend Hazîm, Zinar Sozdar, Dîlan Top û Erkan Top do vejîyê sehne ser. Sewbîna koma govende zî do vejîya sehne ser.