MERKEZÊ XEBERAN – Kongra Star a Kobanê çarçeweya rêzeçalakîyê 8ê Adare de semînerêk organîze kerd.

 

Çarçeweya çalakîyanê 8ê Adare Roja Cinîyan a Dinya de Kongra Star a Kobanê semînerêk Merkezê Kultur û Hunerî yê Baqî Xido bi amadebîyayîşê bi desine cinîyan organîze kerd.

 

Semîner bi deqeyêk rêzgirewtişî dest pêkerd. Dimayê nê mesajê peyên Rayber Abdullah Ocalanî hetê endama Koordînasyona Kongra Star a Kantonê Firatî Peymen Elûş ra ame wendiş.

 

Dimayê wendişê mesajî, Îdarekarîya Bajarê Kobanê Rûken Ehmed, 8ê Adare Rayber Abdullah Ocalan, cinîyê xoverdayox û heme cinîyê azadîwaz pîroz kerd û va: “Hêrişê herêmî ser o ameyî kerdiş, dişmin waşt îrade û îradeyê cinîyan çin bikero, cinîyan qirkerdişî rê derbas bikero. Dişmin her tim wazeno fikrê neteweyê demokratîkî çin bikero, labelê tu kes nêeşkeno nê fikrê azad û demokratîkî bero. Ma sey cinî ganî hêzê xo hîn xurt bikerê. Çîyo ke ma cinîyan rê yeno waştiş; ma her roje bikerê 8ê Adare û têkoşîn û xoverdayîşê xo xurt bikerê.”

 

Rûken Ehmed da zanayîş ke 8ê Adare roja têkoşîn û xoverdayîşê cinîyan a, ganî heme cinî semedê azadî û heqê xo têkoşîn bikerê û heme roje xo bikerê 8ê Adare.

 

Semîner bi sloganê “Jin jiyan azadî” û “Bê Serok Jiyan Nabe” peynî bî.