MERKEZÊ XEBERAN - Cinîyê Rojawanê Kurdistanî bi coşêk pîl û waştişê pawitişê destkewtişê xo dest bi bernameyê 8ê Adare kerdî. Komîteya amadekarî ya bernameyî zî do rojê destpêkî yê Adare de ca û demê pîrozbayîyê 8ê Adare eşkera bikero.

 

Çalakî do bi şîarê "Bi felsefeya Jin, Jiyan, Azadî, ma destkewtişê şorişê cinîyan bipawê" 21ê Sibate dest pêkerd. Nika zî bi çalakîyê rayîrşîyayîş, kombîyayîş, mîtîng, kultur û hunerê derheqê vînayîşê îradeyê cinî, piştîdayîşê YPJ û ziwanê dayîke, pawitişê destkewtişê cinîyan, waştişê bicakerdişê heqê cinîyan destûrê Sûrîye de bi hawayêk rojane dewam kenê.

 

Goreyê agahîyê ke ma komîteya amadekarî ya bernameyê 8ê Adare ra girewt, do bajarê Cizîrî de kuçeyî bêrê xemilnayîş. Do roja 8ê Adare zî bi çalakîyê girseyî bêro pîrozkerdiş û ca û demê înan çalakîyan do rojê destpêkî yê Adare bi eşkerayîyêke bêrê neqlkerdiş.