MERKEZÊ XEBERAN – Komê hukmatê demkî 29 rojî yo ablûqayêka giran dayo bajarê Kobanê ser. Rewşa merdimî ya zêdeyêrî 600 hezar kesî her ke şino giranêr beno.

 

Komê hukmatê demkî yê Sûrîye 20ê Çeleyî vîyarte ra binê ablûqayêke giran dayo bajarê Kobanê ser. Netîce de rewşa merdimî, weşîye û xizmetî yê zêdeyêrî 600 hezar kesî giranêr bena. Tehluke est o ke wextê nêzdî de felaketêk pê bêro.

 

Bajar û dewanê Kobanê lazimîyê bingehîn xeylêk kêm bîyê, rayîr nîno dayîş ke hetkarî derbas bibê. No yew tesîrê rasterast  wareyê weşîye ser o kerd ke nêweşxane û merkezê weşîyê bi îmkanê xeylêk tayî kar kenê û xeylêk tewirê dermanan kêm bîyê.

 

Roniştoxî semedê çinbîyayîşê şitê tutan gazinc kenê ke tehlukeyê cuyayîşê pitikan ser o zêde keno. Xebatkaranê weşîyê dîyar kerdî ke dewamkerdişê na rewşe hişyarîyê zêdebîyayîşê nêweşîyan, bi taybetî nêbîyayîşê werdê başî mîyanê tutan û kesê bi emrê zêdeyêr de keno.

 

Roniştoxê Kobanê û sazgehê ci vengdayîşê akerdişê lezkî yê korîdorê merdimî kerdî semedê derbasbîyayîşê hetkarîyan. Roniştoxî dîyar kenê ke ablûqa binpaykerdişê qanûnanê merdimî yo.